CIAO PINASCA... BON-A NEUIT!
Carèssà da toe montagne
ch'a se specio ant él Chison,
con tòj bòsch, le toe campagne
la toa bela posission,
ant la luce del tramont
it ses na fnestra spalancà
s'un senari del Piemont!
Toe fontan-e d'aqua pura
ij tò rio e Ij tò torent,
a son n'arsorsa ' nt la calura
e l'orgheuj ed la toa gent!
andova I 'aqua a sàuta e a cor,
a-i è toe trute rinoma
ch'a-j fan gola ai pescador!
E lassù a Grandubion
la pi àuta 'd toe borgà
as peul mangé ij tomin bon
sia bej fresch che stagionà!
an mes ai fò e ai castagne,
ant Ie anade prosperose
a-i è pa d'àutr che 'd bej bolè!
Come as trato le regin-e
at saluto e at fan I'inchin
le montagne e le colin-e
ch'a fan part ed tòj confin,
ant la valada del Chison
a l'è lì, disomlo pura,
ch'it ses fate 'I tò blason!
Quand ch'a-i riva primavera
l'è n'argal guardé tòj pra
e godisse anvers la sera
el profum d'ij fen tajà!
a-i è le fabriche e ij cantié
e ÌJ tò fieuj a son pa ambessì
quand ch'as trata 'd travajé!
Ma adess i devo lasse-te
e it saluto con bel deuit,
i vorìo gnanca disturbete ...
Ciao Pinasca... Bon-a neuit!!!
ed Luciano Collino